/ 4
- Подробности
- Категория: Физическая культура
- Создано 15.02.2014 18:45
- Автор: Галия Юнисовна
- Просмотров: 2174
Татар Моклока урта мәктәбендә “Сәламәтлек көне” узды. “Сәламәт тәндә – сәламәт акыл” девизы астында үткәрелеп килгән бу спорт бәйрәме спортны яратучылар күңелендә онытылмас тәэсир калдыргандыр. Бәйрәмгә кадәр рәсем конкурсында укучылар спортка, олимпия уеннарына, сәламәт яшәү рәвешенә мөнәсәбәтләрен күрсәтте.
Ул барлык сыйныфларда да “Сәламәтлек дәресләре” белән башланды. Сәламәтлек сәгатьләрендә укучылар төрле хәрәкәт күнекмәләре булдыру, чыныгу һәм рациональ туклану, көндәлек режим, эшчәнлек төрләрен чиратлаштыру һәм беренче медицина ярдәме күрсәтә белергә өйрәнделәр.
Дәресләрдән соң башлангыч сыйныфлар – спорт-шоу, ә V-XI сыйныфлар волейбол, мини-футболда һәм биатлонда көч сынаштылар. Барлык катнашучылар да бик канәгать булдылар. Иң актив катнашучылар грамоталар белән бүләкләнде.
